ഗുല്‍മോഹര്‍
ഉയര്‍ന്നുവരുന്ന വേനല്‍ ചൂടില്‍ ചുവപ്പിന്റെ വര്‍ണ്ണമൊരുക്കി പാതയോരങ്ങള്‍ നിറഞ്ഞുനിന്ന് നേര്‍ത്ത ഇതളുകള്‍ നിറഞ്ഞ പൂക്കള്‍കൊഴിച്ച് എത്രയോ പ്രണയങ്ങള്‍ക്ക് തണലൊരുക്കി,ഗുല്‍മോഹര്‍ നീ പുന്ചിരിച്ചുനിന്നു.ചുവപ്പിന്റെ അഗ്നിപടര്‍ത്തിയ പ്രണയാക്ഷരങ്ങളില്‍ കൈമാറിയ റോസാപൂവിന്റെ ചുവപ്പിനെ നോക്കി നീ അന്ന് പിറുപിറുത്തത് ഞാനറിയുന്നുണ്ടായിരുന്നു.പിന്നെ നഷ്ട്ടപെട്ടുപോയ പ്രണയത്തിന്റെ നിഴല്‍പാടെന്നോണം കാലം തെറ്റി നടന്ന എന്റെ ചിന്തകള്‍ക്ക്‌ സമാന്തരമായി ഏപ്രില്‍,മെയ് മാസങ്ങള്‍ വിട്ട് കാലം തെറ്റി പൂക്കള്‍കൊഴിച്ച് ഒരു ജൂണ്‍മാസത്തില്‍ നിന്നെ ഞാന്‍ കണ്ടു.കൈവിട്ടുപോയ എന്റെ ബോധമനസ്സിനാല്‍ വേച്ചുപോയ എന്നെ നിന്റെ ശരീരം താങ്ങിനിര്‍ത്തുബോള്‍ സ്വാന്തനത്തിന്റെ വിരല്‍സ്പര്‍ശമെന്നോണം നിന്റെ പൂവിതളുകള്‍ എന്റെ കുഴഞ്ഞുപോകുന്ന് ശരീരത്തിലേക്ക് കൊഴിയുന്നുണ്ടായിരുന്നു.പിന്നെ കൊഴിഞ്ഞുപോയ നിന്റെ പൂക്കള്‍ കാണിച്ചുതന്ന പാതയില്‍ ഞാന്‍ മുന്നോട്ട് നടന്നു,മറ്റൊരു വസന്തകാലത്തെ സ്വപ്നം കണ്ട്...
ليست هناك تعليقات:
إرسال تعليق